চাবস্ক্ৰাইব কৰক

0

ৰাষ্ট্ৰীয় মুখ্য-পৃষ্ঠা

ৰাজ্যত শেষ হ'ল জনজাতীয় উগ্ৰপন্থী সমস্যা ! DNLA ৰ সৈতে দিল্লীত স্বাক্ষৰিত হ'ল ত্ৰিপাক্ষিক শান্তি চুক্তি...

ৰাজ্যত শেষ হ'ল জনজাতীয় উগ্ৰপন্থী সমস্যা ! DNLA ৰ সৈতে দিল্লীত স্বাক্ষৰিত হ'ল ত্ৰিপাক্ষিক শান্তি চুক্তি...

author-image
Asomiya Pratidin
New Update
ৰাজ্যত শেষ হ'ল জনজাতীয় উগ্ৰপন্থী সমস্যা ! DNLA ৰ সৈতে দিল্লীত স্বাক্ষৰিত হ'ল ত্ৰিপাক্ষিক শান্তি চুক্তি...

ডিজিটেল ডেস্কঃ অসমত স্থায়ী শান্তি প্ৰতিষ্ঠাৰ ক্ষেত্ৰত আৰু এখোজ আগবাঢ়িল কেন্দ্ৰীয় চৰকাৰ। আজি নতুন দিল্লীত উগ্ৰপন্থী সংগঠন  ডিমাছা নেশ্যনেল লিবাৰেশ্যন আৰ্মি চমুকৈ ডি এন এল এৰ সৈতে কেন্দ্ৰীয় চৰকাৰ আৰু অসম চৰকাৰৰ এক ত্ৰিপাক্ষিক চুক্তি স্বাক্ষৰিত হয়।

এই ত্ৰিপাক্ষিক শান্তি চুক্তিৰ জড়িয়তে অসমত স্থায়ী শান্তি স্থাপনৰ ক্ষেত্ৰত দুয়োখন চৰকাৰ আৰু এঢাপ আগুৱাই গ’ল। উল্লেখ্য যে, এই শান্তি চুক্তিৰ ফলত অসমত আৰু দ্বিতীয় এটা জনজাতীয় উগ্ৰপন্থী সংগঠন নাথাকিবগৈ।

এই শান্তি চুক্তিৰ সময়ত উপস্থিত থাকে কেন্দ্ৰীয় গৃহমন্ত্ৰী অমিত শ্বাহ, অসমৰ মুখ্যমন্ত্ৰী ড০ হিমন্ত বিশ্ব শৰ্মা, শক্তিমন্ত্ৰী নন্দিতা গাৰ্লোচা, অসম আৰক্ষীৰ সঞ্চালক প্ৰধান জি পি সিং, কেন্দ্ৰীয় গৃহমন্ত্ৰণালয় আৰু অসম আৰক্ষীৰ শীৰ্ষ বিষয়া তথা ডি এন এল এৰ নেতৃত্ব।

উল্লেখ্য যে, চলিত মাহৰ আৰম্ভণিতে ডি এন এল এয়ে একপক্ষীয় ভাবে ঘোষণা কৰা যুদ্ধবিৰতি আৰু ৬ মাহলৈ সম্প্ৰসাৰণৰ কথা ঘোষণা কৰিছিল।এই সন্দৰ্ভত মুখ্যমন্ত্ৰী হিমন্ত বিশ্ব শৰ্মালৈ পত্ৰ প্ৰেৰণ কৰিছিল।

ইয়াৰ পূৰ্বে মুখ্যমন্ত্ৰীৰ আহ্বানৰ প্ৰতি সহাৰি জনাই সংগঠনটোৱে ২০২১ ৰ ছেপ্টেম্বৰত ৬ মাহৰ বাবে যুদ্ধবিৰতি ঘোষণা কৰিছিল। মাত্ৰ কিছু বছৰ পূৰ্বে ভূমিস্থ হোৱা এই সংগঠনটোৱে ডিমা হাছাওত ইতিপূৰ্বে ব্যাপক হিংসাত্মক পৰিস্থিতিৰ সূচনা কৰিছিল।

এক পক্ষীয় ভাৱে যুদ্ধ বিৰতি ঘোষণা কৰাৰ মাত্ৰ কেইটামান দিন পূৰ্বে এই সংগঠনটোৱে সৃষ্টি কৰিছিল ৰক্তাক্ত, অগ্নিগৰ্ভা পৰিস্থিতি। অতি শেহতীয়াকৈ এই সংগঠনটোৱে ২০২১ ৰ ২৬ আগষ্ট এটা চিমেণ্ট কোম্পানীৰ  ৭ খনকৈ ট্ৰাকলৈ গুলীচালনা কৰি অগ্নিসংযোগ কৰিছিল। এই ঘটনাত নিহত হৈছিল ৫ জনকৈ লোক।

Also Read: ৰিজিজুৱে শ্ৰুতলিপি দিব নেকি ন্যায়ালয়ে কি কৰিব !

হিমন্ত বিশ্ব শৰ্মা অমিত শ্বাহ শান্তি চুক্তি ডি এন এল এ