অসম-নাগালণ্ড সীমান্তত জব্দ মণিপুৰ অভিমুখী তিনি শতাধিক গোলাবাৰুদ...

ডিজিটেল সংবাদ, বোকাজান : অসম-নাগালণ্ড সীমান্তৰ পুৰণা লাহৰীজানত বন্দুকৰ গোলাবাৰুদ জব্দ আৰক্ষীৰ। মণিপুৰলৈ নি থকা অৱস্থাতে আৰক্ষীয়ে জব্দ কৰে ৩৩০ টা গোলাবাৰুদ। এন এল ০৭ চি এ ৫৮৯২ নম্বৰৰ এখন অল্টো বাহনত আনিছিল এই গোলাবাৰুদখিনি।

ঘটনাৰ সন্দৰ্ভত হালাব' আৰু উইলিয়াম থুমাই নামৰ দুজন লোকক আটক কৰিছে আৰক্ষীয়ে। দুয়োৰে ঘৰ মণিপুৰৰ তামেং লঙত বুলি জানিব পৰা গৈছে। আটকাধীন দুই ব্যক্তিৰ কোনো ধৰণৰ অস্ত্ৰৰ অনুজ্ঞাপত্ৰ তথা বৈধ নথি নাছিল। যাৰ বাবে ডিলাই আৰক্ষীয়ে ইতিমধ্যেই এক গোচৰ ৰুজু কৰিছে।

Also Read: কেন্দ্ৰীয় চৰকাৰৰ পৃষ্ঠপোষকতাৰ আঁচনিৰ ওপৰত পৰ্যালোচনা সভা...