নাগালেণ্ড বিজেপিৰ বৰ্ধিত কাৰ্যনিৰ্বাহক বৈঠকত কেন্দ্ৰীয় মন্ত্ৰী সৰ্বানন্দ সোণোৱাল

ডিজিটেল সংবাদ বেকাজানঃ মঙলবাৰে ডিমাপুৰৰ আই এম চি হলত অনুষ্ঠিত নাগালেণ্ড বিজেপিৰ ৰাজ্যিক ইউনিটৰ বৰ্ধিত ৰাজ্যিক কাৰ্যনিৰ্বাহক সভাত উপস্থিত থাকে কেন্দ্ৰীয় মন্ত্ৰী তথা নাগালেণ্ডৰ ক্লাষ্টাৰ ইনচাৰ্জ সৰ্বানন্দ সোণোৱাল। তেওঁ উন্নয়নৰ প্ৰতি দলটোৰ সমৰ্পিততাভাৱেৰে বিজেপিক শক্তিশালী, জনপ্ৰিয়, আৰু জনসাধাৰণৰ মাজত বিশ্বাসযোগ্য কৰি তোলাৰ আহ্বান জনায়।

উত্তৰ-পূবৰ অনন্য সাংস্কৃতিক ঐতিহ্যৰ ওপৰত দলৰ স্থিতিৰ ওপৰত আলোকপাত কৰি তেওঁ দলীয় কৰ্মকৰ্তাসকলক প্ৰথমে জাতি, দল দ্বিতীয়, আৰু আত্ম শেষৰ নীতি অনুসৰণ কৰিবলৈ আহ্বান জনায়।তেওঁ লগতে কয় যে প্ৰাথমিক কৰ্তব্য হৈছে প্ৰথমে জাতিৰ সেৱা কৰা।

তেওঁ প্ৰধানমন্ত্ৰী নৰেন্দ্ৰ মোডীক প্ৰশংসা কৰি দৃঢ়তা, নিষ্ঠা, আৰু দেশৰ কল্যাণৰ বাবে স্পষ্ট দৃষ্টিভংগীৰ আদৰ্শ নেতা বুলি অভিহিত কৰে। মোডীৰ নেতৃত্বত হোৱা উন্নয়নমূলক পৰিৱৰ্তনৰ বাবে সোণোৱালে প্ৰশংসা কৰে। তেওঁ কয় যে, উত্তৰ-পূর্বাঞ্চলৰ উন্নয়ন অবিহনে ভাৰতে প্রগতি লাভ কৰিব নোৱাৰে৷ মোদীয়ে অঞ্চলটোৰ বাবে যিমানখিনি কৰিছে, কেৱল দেশেই নহয় সমগ্ৰ বিশ্বৰ মাজতো ইয়াৰ পৰিচয় দিছে। মোডী ক্ষমতালৈ অহাৰ পিছত অঞ্চলটোৰ শান্তি আৰু প্ৰগতিৰ হোৱা বুলি মন্তব্য কৰে।

সোণোৱালে পূৰ্বৰ ইউ পি এ চৰকাৰক অঞ্চলটোক অবহেলা কৰা বুলি সমালোচনা কৰি অভিযোগ কৰে যে, দিল্লীত ইয়াৰ মানুহৰ মাত কেতিয়াও শুনা নাযায়। তেওঁ আশা কৰে যে নাগালেণ্ডেও উন্নয়নত গুৰুত্বপূৰ্ণ ভূমিকা পালন কৰিব। বিজেপিৰ ৰাষ্ট্ৰীয় সম্পাদক তথা নাগালেণ্ড আৰু মেঘালয়ৰ প্ৰভাৰী প্ৰভাৰী অনিল কে এণ্টনীয়ে নাগালেণ্ডক প্ৰশংসা কৰি কয় যে, মোডীৰ বিগত দশকত এই অঞ্চলত ৬ লাখ কোটিতকৈ অধিক টকা বিনিয়োগ কৰা হৈছে।

ৰাজ্য আৰু অঞ্চলত দেখা পোৱা বহু পৰিবৰ্তন মোডীৰ দৃষ্টিভংগীৰ বাবেই হোৱা বুলি উল্লেখ কৰি তেওঁ কয় যে, উত্তৰ-পূৰ্বাঞ্চল বৰ্তমান দেশৰ বাকী অংশতকৈ অধিক বিকাশ বৃদ্ধি পাইছে। নাগালেণ্ড বিজেপিৰ সভাপতি বেঞ্জামিন য়েপথোমিয়ে কয় যে সোণোৱাল আৰু এণ্টনীৰ নেতৃত্বই নাগালেণ্ডত বিজেপিক অধিক উচ্চতালৈ উন্নিত কৰিব বুলি আশা প্ৰকাশ কৰে।

Unprecedented rate of development in North East. More than ₹ 5 lakh crore has been invested in the region in the last 10 years. pic.twitter.com/3iYcIAGT4O

— Sarbananda Sonowal (@sarbanandsonwal) July 16, 2024

Also Read: দিছপুৰলৈ এতিয়াও বহুদূৰ...