LIVE UPDATES: মিজোৰামত এই পৰ্যন্ত প্ৰায় ৭০ শতাংশ ভোটাধিকাৰ সাব্যস্ত...

মিজোৰামত ৩ বজালৈকে প্ৰায় ৭০ শতাংশ ভোটাধিকাৰ সাব্যস্ত হৈছে। নিৰ্বাচন আয়োগৰ তথ্য অনুসৰি৩ বজা পৰ্যন্ত মুঠ ৬৯.৮৭ শতাংশ ভোটাধিকাৰ সাব্যস্ত হৈছে।

মিজোৰামত এই পৰ্যন্ত শান্তিপূৰ্ণভাৱেই অনুষ্ঠিত হৈ আছে ভোটগ্ৰহণ। আইন শৃংখলাজনিত পৰিৱেশ সুস্থিৰ হৈ আছে। ৰাজ্যখনৰ অতিৰিক্ত মুখ্য নিৰ্বাচনী আয়ুক্ত এইছ লিয়ানজেলাই কয়. এতিয়ালৈকে শান্তি আৰু আইন, শৃংখলা অটুত আছে।

মিজোৰামৰ ছাৰ্চিপ সমষ্টিত দিনৰ ১ বজা পৰ্যন্ত মুঠ ৬০.৩৭ শতাংশ ভোটাধিকাৰ সাব্যস্ত হৈছে। একেদৰে খাওজাল সমষ্টিত ৬০.২০ শতাংশ ভোটাধিকাৰ সাব্যস্ত হৈছে। এইপৰ্যন্ত আটাইতকৈ কম আইজন সমষ্টিত ভোটাধিকাৰ সাব্যস্ত হৈছে। সমষ্টিটোত এই পৰ্যন্ত ৪৪.৭১ শতাংশ লোকে ভোটদান সাব্যস্ত কৰিছে।

মিজোৰামৰ ৪০ টা বিধানসভা সমষ্টিত অব্যাহত থকা ভোটগ্ৰহণ প্ৰক্ৰিয়াৰ মাজতে নিৰ্বাচন আয়োগে প্ৰকাশ কৰা তথ্য অনুসৰি ৰাজ্যখনত ৫১.২২ শতাংশ ভোটাধিকাৰ সাব্যস্ত হৈছে।

মঙ্গলবাৰে পুৱা ভোটগ্ৰহণ আৰম্ভ হোৱাৰ সময়তে ভোটাধিকাৰ সাব্যস্ত কৰিছিল যদিও ভোটিং মেচিনৰ বিজুটিৰ বাবে পুনৰ ভোটদান কৰিবলগীয়া হয় মিজোৰামৰ মুখ্যমন্ত্ৰী জোৰামথাঙ্গাই। ৰাজনৈতিক পৰিৱেশৰ পৰা অনুমান কৰিছো আমি পুনৰ চৰকাৰ গঠন কৰিবলৈ সক্ষম হম আৰু মোৰ সমষ্টিত অভূতপূৰ্ব বিজয় সাব্যস্ত কৰিম।

নিৰ্বাচন আয়োগৰ তথ্য অনুসৰি মিজোৰামত দিনৰ ১২ বজালৈকে ৩২.৬৮ শতাংশ ভোটাধিকাৰ সাব্যস্ত হৈছে। ৰাজ্যখনত এই পৰ্যন্ত সৰ্বাধিক লংটলাই সমষ্টিত ৩৯.৮৮ শতাংশ ভোটাধিকাৰ সাব্যস্ত হৈছে।

মিজোৰাম বিধানসভা নিৰ্বাচন সন্দৰ্ভত ৰাজ্যসভাৰ সাংসদ তথা এম এন এফৰ প্ৰাৰ্থী কে ভানলালভেনাই আজি সংবাদ মাধ্যমৰ আগত দাবী কৰিছে তেওঁ এই নিৰ্বাচনত বিজয় সাব্যস্ত কৰিব। কাৰণ তেওঁ কামৰ বাবে জনসাধাৰণে তেওঁক ভাল পায়।

#WATCH | Aizawl, Mizoram: On the assembly elections, Rajya Sabha MP and MNF Party candidate K Vanlalvena says, "I will be the winner in these elections... Wherever I visit within my constituency, everybody loves me for my good work...The main agenda will be the development of my… pic.twitter.com/dmmarvWF4L

— ANI (@ANI) November 7, 2023

মিজোৰামত নিৰ্বাচন আয়োগৰ তথ্য অনুসৰি দিনৰ ১১ বজালৈকে ২৬ শতাংশৰো অধিক ভোটদান সাব্যস্ত হৈছে। তথ্য অনুসৰি এই পৰ্যন্ত ২৬.৪৩ শতাংশ ভোটাধিকাৰ সাব্যস্ত হৈছে। আশা কৰা হৈছে ৰাজ্যখনত পূৰ্বতকৈ বৃদ্ধি পাব ভোটাধিকাৰৰ সংখ্যা।

গণতন্ত্ৰৰ সৰ্ববৃহৎ উৎসৱত চামিল হোৱাৰ আনন্দত মতলীয়া ১০১ বছৰীয়া বৃদ্ধ। ২৪ দক্ষিণ চাম্ফাই সমষ্টিত আজি ১০১ বছৰীয়া পু ৰুয়ালহনুদালাই তেওঁৰ ৮৬ বছৰীয়া পত্নী পাই থাংলিথলুইক লগত লৈ আহি ভোটাধিকাৰ সাব্যস্ত কৰিলে।

মিজোৰামৰ অন্যতম শক্তিশালী আঞ্চলিক ৰাজনৈতিক দল জেড পি এমৰ কাৰ্যকৰী সভাপতি কে ছাপডাঙ্গাই আইজল নৰ্থ-IIIত ভোটাধিকাৰ সাব্যস্ত কৰিলে। ভোটাধিকাৰ সাব্যস্ত কৰি তেওঁ কয়, মিজোৰামত পৰৱৰ্তী চৰকাৰ গঠন কৰিব জেড পি এমে। উল্লেখ্য, তেওঁ আইজল নৰ্থ-III সমষ্টিৰ পৰা প্ৰতিদ্বন্দিতা কৰিছে। তেওঁ কয়, আমি সংখ্যাগৰিষ্ঠতা লাভ কৰিম। আমি যথেষ্ট আত্মবিশ্বাসী যে, জেড পি এমে একক সংখ্যাগৰিষ্ঠতা লাভেৰে চৰকাৰ গঠন কৰিম। মুখ্যমন্ত্ৰী জোৰামথাঙ্গাই পুনৰ ক্ষমতা দখলৰ সপোন দেখিলেও তেওঁক জনতাই ভোটদান নকৰে।

কংগ্ৰেছ নেত্ৰী প্ৰিয়ংকা গান্ধীয়েও মিজোৰামৰ সকলো নাগৰিককে ভোটাধিকাৰ সাব্যস্ত কৰিবলৈ এক্সৰ জৰিয়তে জনাইছে বিশেষ আহ্বান।

My dear sisters and brothers of Mizoram, a vote for congress party is vote for peace and progress. Come out and vote in large numbers to protect your culture, identity and your way of life.

— Priyanka Gandhi Vadra (@priyankagandhi) November 7, 2023

মিজোৰামৰ ৰাজ্যপাল বাবু কামভামপাতিয়ে ভোটদান কৰিলে। তেওঁ আইজল দক্ষিণ-II ভোটকেন্দ্ৰত গৈ নিজৰ ভোটাধিকাৰ সাব্যস্ত কৰিছে। ভোটাধিকাৰ সাব্যস্ত কৰি তেওঁ কয়, মিজোৰাম শিক্ষিত ৰাজ্য, ইয়াৰ জনসাধাৰণে নিজৰ অধিকাৰৰ বিষয়ে সজাগ।

পুৱা ৯ বজালৈ ৰাজ্যখনত ১২.৮০ শতাংশ ভোটদান হৈছে। মুঠ ৪০ টা সমষ্টিত অনুষ্ঠিত হোৱা ভোটগ্ৰহণত অভিলেখ সংখ্যক ভোটাধিকাৰ সাব্যস্ত হোৱাৰ সম্ভাৱনা।

গৃহমন্ত্ৰী অমিত শ্বাহে মিজোৰামৰ ভোটগ্ৰহণ আৰম্ভ হোৱাৰ সময়তে মিজোৰামৰ ভাতৃ,ভগ্নী তথা যুৱকসকলক আহি ভোটাধিকাৰ সাব্যস্ত কৰিবলৈ আহ্বান জনাইছে।

I urge our sisters and brothers in Mizoram, especially the youth to come out and vote in large numbers.
Each and every vote will lay the foundation of a developed and prosperous Mizoram.

— Amit Shah (@AmitShah) November 7, 2023

প্ৰধানমন্ত্ৰী নৰেন্দ্ৰ মোডীয়ে মিজোৰামৰ জনতাক অভিলেখ সংখ্যক ভোটাধিকাৰ সাব্যস্ত কৰিবলৈ আহ্বান জনাইছে। বিশেষকৈ তেওঁ যুৱ আৰু প্ৰথমবাৰৰ বাবে ভোটাধিকাৰ সাব্যস্ত কৰাৰ সুযোগ পোৱাসকলক ভোটাধাকিৰা সাব্যস্ত কৰিবলৈ আৰু গণতন্ত্ৰৰ এই উৎসৱ শক্তিশালী কৰিবলৈ অনুৰোধ জনাইছে।

I call upon the people of Mizoram to vote in record numbers. I particularly urge the young and first time voters to exercise their franchise and strengthen the festival of democracy.

— Narendra Modi (@narendramodi) November 7, 2023

মিজোৰাম বিধানসভা নিৰ্বাচনৰ ভোটগ্ৰহণ মঙ্গলবাৰে পুৱা ৭ বজাৰ পৰা আৰম্ভ হৈছে। ভোটগ্ৰহণ আৰম্ভ হোৱাৰ লগে লগে ভোটাধিকাৰ সাব্যস্ত কৰিলে মুখ্যমন্ত্ৰী জোৰামথাঙ্গাই।