চতুৰ্দশ নাগালেণ্ড বিধানসভাৰ আটাইতকৈ ধনী প্ৰাৰ্থী মুখ্যমন্ত্ৰী নেইফিউ ৰিঅ’

ডিজিটেল সংবাদ, বেকাজানঃ এন ডিপিপিৰ নেতা নেইফিউ ৰিঅ নাগালেণ্ডৰ আটাইতকৈ দীঘলীয়া কাৰ্যকালৰ মুখ্যমন্ত্ৰী হিচাপে খ্যাত অৰ্জন কৰাৰ সমান্তৰালকৈ সমাগত ২০২৩ চনৰ নিৰ্বাচনৰ আটাইতকৈ ধনী প্ৰাৰ্থী হিচাপে অন্য কৃতিত্ব ৰচিছে ।

এ এন আইৰ তথ্যমতে নেচনেল ডেম’ক্ৰেটিক প্ৰগ্ৰেছিভ পাৰ্টিৰ প্ৰাৰ্থী নেইফিউ ৰিঅ’ই এই নিৰ্বাচনত প্ৰতিদ্বন্দ্বিতা কৰা অন্যতম ধনী প্ৰাৰ্থী। ৬ ফেব্ৰুৱাৰীত মনোনয়ন পত্ৰৰ সৈতে দাখিল কৰা শপতনামাত ৰিঅ’ই নিজৰ বৰ্তমানৰ সম্পত্তিৰ মূল্য ১৫.৯৯ কোটি টকা আৰু স্থাৱৰ সম্পত্তিৰ মূল্য ৩০.৯৬ কোটি টকা বুলি ঘোষণা কৰিছে। উল্লেখযোগ্য যে যোৱা পাঁচ বছৰত তেওঁৰ নগদ ধনৰ পৰিমাণ ১০.৫৪ কোটি টকা বৃদ্ধি পাইছে বুলি দাবী কৰিছে এ এন আইয়ে।

২০১৮ চনত ৰিঅ’ই ৩৬.৪১ কোটি টকাৰ সম্পত্তি প্ৰকাশ কৰিছিল। নাগালেণ্ড বিজেপিৰ সভাপতি তথা প্ৰাৰ্থী টেমজেন ইমনা আলঙে প্ৰকাশ কৰিছে মুঠ সম্পত্তিৰ পৰিমাণ ১০.০৬ কোটি টকা। বৰ্তমান তেওঁ নগদ ৫০ লাখ টকাৰ সম্পত্তি ঘোষণা কৰে। ১.৪৭ কোটি টকাৰ সম্পত্তি কোটি টকা। তেওঁৰ ৮.৫৯ কোটি টকাৰ স্থাৱৰ সম্পত্তি আছে । নাগালেণ্ডৰ উপ-মুখ্যমন্ত্ৰী তথা টিউই আসনত বিজেপিৰ প্ৰাৰ্থী ৱাই পেট্টনে তেওঁৰ মুঠ সম্পত্তিৰ পৰিমাণ ২.২৫ কোটি নিৰ্বাচনী ঘোষণা কৰিছে।

আনহাতে নাগালেণ্ডৰ প্ৰাক্তন মুখ্যমন্ত্ৰী তথা এন ডি পি পিৰ প্ৰতিদ্বন্দ্বী টি আৰ জেলিয়াঙৰ মুঠ সম্পত্তিৰ পৰিমাণ ৭.৩৭ কোটি টকা। মন কৰিবলগীয়া যে নাগালেণ্ডৰ বিধানসভা নিৰ্বাচনত ১৮৩ গৰাকী প্ৰাৰ্থীয়ে নিৰ্বাচনত প্ৰতিদ্বন্দিতা কৰিব। ২৭ ফেব্ৰুৱাৰীত নাগালেণ্ডত অনুষ্ঠিত হ’ব বিধানসভা নিৰ্বাচন। ২ মাৰ্চত ফলাফল ঘোষণা কৰা হ’ব ।