অশান্ত মণিপুৰঃ কাৰ্ফিউৰ মাজতে সহস্ৰাধিক লোকে জ্বলালে মন্ত্ৰীৰ বাসগৃহ...

ডিজিটেল ডেস্কঃ চলিত বৰ্ষৰ মে' মাহৰ পৰা উত্তপ্ত পৰিস্থিতিয়ে বিৰাজ কৰি আছে চুবুৰীয়া ৰাজ্য মণিপুৰত । ৰাজ্যখনৰ দুটাকৈ ফৈদৰ মাজত অব্যাহত আছে সংঘাত । দুই ফৈদৰ মাজত জনজাতিকৰণক লৈ হোৱা সংঘাটে অস্থিৰ কৰি ৰাখিছে ৰাজ্যখনক । এই লৈ ইতিমধ্যেই ৰাজ্যখনত কাৰ্ফিউ জাৰি কৰা হৈছে। কাৰ্ফিউৰ মাজতে বৃহস্পতিবাৰে নিশা সংঘটিত হৈছে এক ভয়ংকৰ ঘটনা ।

কালি নিশা কেন্দ্ৰীয় মন্ত্ৰী আৰ কে ৰঞ্জন সিঙৰ বাসগৃহত সহস্ৰাধিক লোকে জুই লগাই দিয়ে । খবৰ অনুসৰি ইম্ফলস্থিত ঘৰত দুস্কৃতিকাৰীয়ে জুই লগাই দিয়াৰ সময়ত ঘৰত নাছিল কেন্দ্ৰীয় মন্ত্ৰীগৰাকী । দুস্কৃতিকাৰীয়ে মন্ত্ৰীগৰাকীৰ বাসগৃহত আক্ৰমণ কৰাৰ সময়ত ৯ জন ব্যক্তিগত নিৰাপত্তাৰক্ষী, ৫ জন নিৰাপত্তাৰক্ষী আৰু ৮ জন অতিৰিক্তৰক্ষী কৰ্তব্যত নিয়োজিত আছিল যদিও আক্ৰমণকাৰীক প্ৰতিহত কৰিবলৈ ব্যৰ্থ হয় ।

নিৰপত্তৰক্ষীসকলে কয় যে, আক্ৰমণকাৰী অত্যাধিক হোৱাৰ বাবেই প্ৰতিহত কৰাত ব্যৰ্থ হৈছিল নিৰাপত্তাৰক্ষীসকল । আক্ৰমণৰ সময়ত আক্ৰমণকাৰীসকলে চাৰিওফালৰ পৰাই পেট্ৰ'ল বোমা নিক্ষেপ কৰিছিল । উল্লেখ্য যে এইবাৰেই প্ৰথম নহয় ইয়াৰ পূৰ্বেও মে' মাহত মন্ত্ৰীগৰাকীৰ বাসগৃহ আক্ৰমণ কৰিছিল দুষ্কৃতিকাৰীয়ে ।

Also Read: ডিগবৈত ভয়ংকৰ পথ দুৰ্ঘটনাঃ নিহত ৪ আহত ১জন...