কোনো কাম নকৰাকৈ চৰকাৰী আঁচনিৰ নামত লাখ লাখ টকা আত্মসাৎ, নিমাত বিভাগীয় কৰ্তৃপক্ষ

বঢ়মপুৰ উন্নয়ন খণ্ডৰ অন্তৰ্গত বঢ়মপুৰ পঞ্চায়ত কাৰ্যালয়ৰ অধীনত চলি থকা এম.জি.এনৰেগা আচনিত দুৰ্নীতিৰ অভিযোগ উত্থাপন হৈছে। অভিযোগ অনুসৰি বঢ়মপুৰ পঞ্চায়ত কাৰ্য্যালয়ৰ কৰ্মৰত জি আৰ এছ শ্ৰী চান আলি নামৰ লোকজনে পঞ্চায়ত সচিব আৰু খণ্ড উন্নয়ন বিষয়াৰ লগ লাগি বিগত আঢ়ৈ বছৰে পঞ্চায়ত সভাপতিৰ অজ্ঞাতে কোনো ধৰণৰ ডিমাণ্ড ৰেজিষ্টাৰ নবনোৱাকৈ কেৱল ভুৱা হিতাধিকাৰীৰ স্বাক্ষৰেৰে মাষ্টাৰৰোল তৈয়াৰ কৰি এম জি এন ৰেগা আচঁনিত লাখ লাখ টকা আত্মসাৎ কৰি আহিছে।

এম জি এন ৰেগাৰ এটা নতুন আচঁনি Excavation to Public Pond Ghogargaon Jallah under SHG প্রাককলন ধনৰ পৰিমাণ ১১,৩৮,৫৬৯ টকা। জলাহৰ মাজত থকা পুৰণি পুখুৰী এটা দেখুৱাই একো কাম নকৰাকৈ মুঠ - ১,৮৫,৫৪৪ টকা ৱাৰ্ড মেম্বাৰৰ সৈতে মিলি আত্মসাৎ কৰে ।

দ্বিতীয়তে সম্পূৰ্ণ হৈ থকা এটা নামঘৰত Earth filling and boundary fencing at SKKB Kendra 9th APBn Barhampur Camp to to Settings to activate Win প্ৰাককলন ধনৰ পৰিমাণ ৯,১৬,১১৫ টকা। কিন্তু এই আঁচনিৰ নামত তেওঁলোকে টকা উঠাই ৪,১৮,৪১২ টকা। কোনো ধৰণৰ কাম নকৰাকৈ তেওঁলোকে এই টকা সৰকাই চৰকাৰৰ পৰা।

পুনৰ উক্ত আচঁনিটো যোৱা ২০/০৮/২০২৩ তাৰিখৰ পৰা ২৬/০৮/২০২৩ লৈ আৰু ০৭/ ০৯/২০২৩ ৰ পৰা ১৩/০৯/২০২৩ লৈ ভুৱা স্বাক্ষৰেৰে মাষ্টাৰ ৰোল বনাই টকাৰ দাবী কৰিছে।

কেৱল ইমানেই নহয়, কোনো ধৰণৰ কাম সম্পূৰ্ণ নকৰাকৈ ধন মোকলোৱাৰ লগতে বস্তু-বাহিনীৰ ভুৱা বিল দেখুৱাই ধন আত্মসাৎ কৰি আহিছে।

Agri bandh from Kamar Gaon L.P. School to Jallah Road প্ৰাককলন ধনৰ পৰিমাণ ৮,৯৯,৯১১ টকা । আনহাতে টকা উঠাই লোৱাৰ পৰিমাণ ৪৯২৫১৮ টকা।এই আঁচনিৰ কাম তেওঁলোক নামমাত্ৰহে কৰিছে।

দ্বিতীয়তে Earth Filling and Land development at Barhampur Swahid Bhawan' প্রাককলন ধনৰ পৰিমাণ ৩,৫০,৫৪৮ টকা আনহাতে কোনো ধৰণৰ কাম নকৰাকৈ তেওঁলোকে ধন সৰকাই ১,৩৫,২২০ টকা।

“Earth filling at Barhampur Higher Secondary Play ground আচঁনিটো মূঠ প্রাককলন ধনৰ পৰিমাণ হৈছে ১৬,৪৭,৪৮৬/- টকা। কিন্তু কেৱল কাম সম্পূৰ্ণ নকৰাকৈ ধন সৰকাই ৭,২৪,৮১৫ টকা।

Agribandh From 1No Ghogargaon Gaon to 2No Ghogae Gaon link Road 21 প্ৰাককলন ধন ৬,৩৯,২৭০। এই কামো সম্পূৰ্ণ নকৰাকৈ ধন সৰকাই ৪৬৩৬৩৪ টকা । লগতে Const. of Agri Bandh from Ghogar Jallah to Nonoi Jalah road, প্রাককলন ধন - ৭,৮৩,৭২ টকা। ইয়াৰো কেৱল অলপ কাম কৰি টকা সৰকাই ৬,০৪,১২৯.৯০ টকা।

এয়া কেৱল উদাহৰণহে। ইয়াৰোপৰি আৰু বিভিন্ন চৰকাৰী আঁচনিৰ নামত দুৰ্নীতি হোৱাৰ অভিযোগ উত্থাপন হৈ আহিছে। এতিয়াও এই চক্ৰই দুৰ্নীতি চলাই গৈ আছে।

এই দুৰ্নীতি সন্দৰ্ভত পঞ্চায়ত সভাপতি আৰু আঞ্চলিক পঞ্চায়তৰ সভানেত্ৰীকে ধৰি বিভিন্ন জনে পঞ্চায়ত আৰু গ্ৰামোন্নয়ন বিভাগ, গুৱাহাটীত দুবাৰকৈ অভিযোগ উত্থাপন কৰিছে। কিন্তু এই পৰ্যন্ত এতিয়ালৈকে কোনো তদন্ত হোৱা নাই।

কিহৰ বাবে এনে দুৰ্নীতিৰ বাবে বিভাগীয় কৰ্তৃপক্ষই কোনো ধৰণৰ ব্যৱস্থা গ্ৰহণ কৰে। উপযুক্ত তথ্য প্ৰমাণ নোহোৱাৰ পাছতো দুৰ্নীতিৰ বিৰুদ্ধে কোনো ব্যৱস্থা নল'লে চৰকাৰৰ প্ৰতিও প্ৰশ্ন উত্থাপন হয়। বাৰে বাৰে দুৰ্নীতিমুক্ত অসমৰ কথা ক'লেও এই ৰাজ্যতে চৰকাৰী আঁচনিৰ নাম লুণ্ঠন চলিয়েই আছে।

Also Read: ফুলগুৰি ধেৱাঃ নগাঁৱৰ 'মানুহ পোৰা বিল' সাক্ষী ইংৰাজৰ অত্যাচাৰ আৰু কৃষকৰ প্ৰথম বিদ্ৰোহৰ