সদৌ অসম টাইকোৱাণ্ডু প্ৰতিযোগিতাত মঙলদৈৰ স্নিগ্ধা দে'ৰ ব্ৰঞ্জৰ পদক লাভ...

ডিজিটেল সংবাদ মঙলদৈঃ দৰং জিলা টাইকোৱাণ্ডু সন্থাৰ নিয়মীয়া খেলুৱৈ স্নিগ্ধা দে'য়ে শিলচৰত অনুষ্ঠিত সদৌ অসম আন্তঃজিলা টাইকোৱাণ্ডু প্ৰতিযোগিতাত ব্ৰঞ্জৰ পদক লাভ কৰিছে। যোৱা ২৮ ৰ পৰা ৩০ জুলাইত শিলচৰ জিলা ক্ৰীড়া সন্থাৰ ইণ্ডৰ ষ্টেডিয়ামত হোৱা এই প্ৰতিযোগিতাত মঙলদৈ গ্লৰিয়াছ পাব্লিক স্কুলৰ চতুৰ্থ শ্ৰেণীৰ ছাত্ৰী স্নিগ্ধা দে'ই ৮ - ১১ বছৰ জুনিয়ৰ শাখাত ব্ৰঞ্জৰ পদক লাভ কৰে।

চপাই শালৈপাৰা নিৱাসী অমল চন্দ্ৰ দে' আৰু ৰিতুমণি বৰুৱা দে'ৰ কন্যা স্নিগ্ধা দে'ৰ সাফল্যত দৰং জিলা টাইকোৱানডু সন্থা, চপাই যুৱ কল্যাণ কেন্দ্ৰ, চপাই পদুম পাহি মইনা পাৰিজাত, মঙলদৈ জিলা মইনা পাৰিজাত, মঙলদৈ গ্লৰিয়াছ পাব্লিক স্কুলৰ সঞ্চালক মিজানুৰ ৰহমান, দৰং জিলা ক্ৰীড়া সাংবাদিক সংস্থা আদিয়ে খেলুৱৈগৰাকীক অভিনন্দন জ্ঞাপন কৰিছে।

Also Read: মাজুলীত বাইকৰ পৰাই চুৰি হ'ল অৱসৰপ্ৰাপ্ত শিক্ষকৰ আঢ়ৈ লাখ টকা...