ইন্দোৰত ১৯৭ ত অল আউট অষ্ট্ৰেলিয়া...

ডিজিটেল ডেস্কঃ ভাৰত আৰু অষ্ট্ৰেলিয়াৰ মাজত চলি থকা ব'ৰ্ডাৰ-গাভাস্কাৰ ট্ৰফীৰ তৃতীয় টেষ্টৰ প্ৰথম ইনিংছত মাত্ৰ ১৯৭ ৰাণতে অল আউট হ'ল আলহী দল অষ্ট্ৰেলিয়া। ইয়াৰ লগে লগে দলটোৱে ৮৮ ৰাণৰ অগ্ৰগতি লাভ কৰিছে।

প্ৰত্যুত্তৰত ভাৰতে দ্বিতীয় ইনিংছত এই পৰ্যন্ত এটাও উইকেট নেহেৰুৱাকৈ ১৩ ৰাণ সংগ্ৰহ কৰিছে। অধিনায়ক ৰোহিত শৰ্মা আৰু শুভমান গিল অপৰাজিত হৈ আছে।

বৃহস্পতিবাৰে, ইন্দোৰৰ হোলকাৰ ষ্টেডিয়ামত, ভ্ৰমণকাৰী দলটোৱে ১৫৬/৪ স্ক'ৰৰ সৈতে প্ৰথম ইনিংছৰ দ্বিতীয় দিনৰ বেটিং আৰম্ভ কৰিছিল। কিন্তু দলটোৱে মাত্ৰ ৪১ ৰাণ সংগ্ৰহ কৰিয়েই ৬ টাকৈ উইকেট হেৰুৱায়।

পিটাৰ হেণ্ডচকম্ব ১৯ আৰু কেমেৰুন গ্ৰীণৰ ২১ ৰাণৰ বাহিৰে, নিম্ন ক্ৰমৰ কোনো এজন বেটছমেনেই দুটা অংকৰ সীমা অতিক্ৰম কৰিব নোৱাৰিলে।

উমেশ যাদৱ আৰু ৰবিচন্দ্ৰন অশ্বিনে ভাৰতৰ হৈ তিনিটাকৈ উইকেট দখল কৰিছে। প্ৰথম দিনা ৰবীন্দ্ৰ জাদেজাই চাৰিটা উইকেট দখল কৰিছিল।

An absorbing first session on Day 2 of the 3rd Test.

India 13/0 & 109, trail Australia (197) by 75 runs at Lunch.

Scorecard - https://t.co/t0IGbs2qyj #INDvAUS @mastercardindia pic.twitter.com/aRxFsrvMcc

— BCCI (@BCCI) March 2, 2023

Also Read: নৰেন্দ্ৰ মোডীৰ প্ৰতি উত্তৰ পূবৰ জনতাৰ আছে অগাধ বিশ্বাস, শ্ৰদ্ধাঃ সোণোৱাল...