এচিয়া কাপৰ বিপৰ্যয়ৰ পাছতে সুখৰ খবৰ ! পুনৰ নিকাহত বহিল শ্বাহিন শ্বাহ আফ্ৰিদি...

ডিজিটেল ডেস্কঃ বিশ্বজুৰি এচিয়া কাপত পাকিস্তান ক্ৰিকেট দলটোৰ বিপৰ্যয় চৰ্চা এতিয়াও অন্ত পৰা নাই। এচিয়া কাপৰ পৰাজয়ৰ পাৰ্শ্বক্ৰিয়া এতিয়াও অব্যাহত আছে। আনহে নালাগে পাক দলটোতেই এচিয়া কাপৰ পাছত দেখা গৈছে মতবিৰোধ।

পৰিস্থিতি এনে পৰ্যায় পাইছেগৈ যে দলটোৰ নেতৃত্বও সলনি কৰাৰ চিন্তা চৰ্চা আৰম্ভ কৰিছে। তাৰ মাজতে পাকিস্তানৰ পৰা আহিল এক ভাল খবৰ। এচিয়া কাপৰ বিপৰ্যয়ৰ কথা পাহৰি পাক দলটোৰ অনুৰাগীক আনন্দত আত্মহাৰা হোৱাৰ এক বাৰ্তা প্ৰেৰণ কৰিলে শ্বাহিন শ্বাহ আফ্ৰিদিয়ে।

দ্বিতীয়বাৰৰ বাবে বিবাহত বহিল বেগী বলাৰগৰাকী। অৱশ্যে দ্বিতীয়বাৰ বিবাহত বহিলেও তেওঁৰ কইনা একেগৰাকী। দীৰ্ঘদিনীয়া প্ৰেমৰ অন্তত শ্বাহিন শ্বাহ আফ্ৰিদিয়ে প্ৰাক্তন ক্ৰিকেটাৰ শ্বাহিদ আফ্ৰিদিৰ কন্যাৰ সৈতে কিছুদিন পূৰ্বে অনুষ্টুপীয়াকৈ নিকাহ সম্পন্ন কৰিছিল।

এচিয়া কাপৰ পৰাজয়ৰ পাছত এতিয়া পুনৰবাৰ শ্বাহিন শ্বাহ আফ্ৰিদিয়ে দ্বিতীয়বাৰৰ বাবে শ্বাহিদ আফ্ৰিদিৰ কন্যা অংশাৰ সৈতে নিকাহ সম্পন্ন কৰিলে। ইতিপূৰ্বে অনুষ্টুপীয়াকৈ সম্পন্ন কৰা নিকাহ কাৰ্যত উপস্থিত আছিল দুয়োগৰাকীৰ পৰিয়ালৰ একাংশ সদস্য।

কিন্তু এইবাৰ তেওঁ পাকিস্তানত অনুষ্ঠিত কৰিলে গ্ৰেণ্ড পাৰ্টিৰ। এই পাৰ্টিত দেখা গ’ল মাত্ৰ কেইটামান দিন পূৰ্বে শ্বাহিন শ্বাহ আফ্ৰদিয়ে বাকযুদ্ধত লিপ্ত হোৱা পাকিস্তান ক্ৰিকেট দলটোৰ অধিনায়ক বাবৰ আজমকে ধৰি বৰ্তমানৰ লগতে বহু প্ৰাক্তন ক্ৰিকেটাৰক।

এই সকলো অভ্যাগতই দুয়োকে আশীৰ্বাদ জ্ঞাপন কৰিলে। বাবৰ আজমে শ্বাহিন শ্বাহ আফ্ৰিদিক আলিংগন কৰি যুগ্ম জীৱনৰ শুভেচ্ছা জ্ঞাপন কৰিলে। ইয়াৰ লগে লগ চৰ্চা চলিছে এই দুয়োগৰাকী ক্ৰিকেটাৰৰ মাজত যি সংঘাতৰ বিষয়ে চৰ্চা হৈছিল সেই সংঘাত গুৰুতৰ নহয়।

যিয়ে পাক দলটোৰ অনুৰাগীক কিছু পৰিমাণে আশ্বস্ত কৰিছে। সামাজিক মাধ্যমত শ্বাহিন শ্বাহ আফ্ৰিদিক আলিংগন কৰি বাবৰে শুভেচ্ছা জনোৱাৰ দৃশ্য ভাইৰেল হৈ পৰিছে। উল্লেখ্য যে, শ্বাহিন শ্বাহ আফ্ৰিদিয়ে এচিয়া কাপৰ মাজতেই তেওঁৰ নিকাহৰ তাৰিখ ঘোষণা কৰিছিল।

সেই অনুসৰিয়েই ১৯ ছেপ্টেম্বৰত তেওঁৰ নিকাহ সম্পন্ন হৈ যায়। ইয়াৰ পূৰ্বে যোৱা ফেব্ৰুৱাৰী মাহত শ্বাহিন শ্বাহ আফ্ৰিদিয়ে তেওঁৰ প্ৰেমিকা অংশাৰ সৈতে নিকাহ সম্পন্ন কৰিছিল।

https://x.com/SharyOfficial/status/1704186656314499414?s=20

Also Read: উৎকোচ লৈ হাতে-লোটে গ্রেপ্তাৰ লাট মণ্ডল