টি-২০ মহিলা বিশ্বকাপ : চিৰবৈৰী পাকিস্তানৰ সন্মুখত হৰমনপ্ৰীত বাহিনীৰ অগ্নিপৰীক্ষা

ডিজিটেল ডেস্ক : টি-২০ বিশ্বকাপৰ খিতাপ দখলৰ যুঁজত আজি চিৰবৈৰী পাকিস্তানৰ বিৰুদ্ধে অৱতীৰ্ণ হ’ব হৰমনপ্ৰীত নেতৃত্বাধীন টীম ইণ্ডিয়া। মহিলা বিশ্বকাপৰ যুঁজত নিউজিলেণ্ডৰ বিৰুদ্ধে পৰাস্ত হৈ চিন্তিত ভাৰতীয় মহিলা ক্ৰিকেট দলটো। সেয়ে আজি সেই ভুল পাহৰি পাকিস্তানৰ বিৰুদ্ধে খেলপথাৰত নামিব টীম ইণ্ডিয়া।

দেওবাৰে বিয়লি ৩-৩০ বজাত ডুবাই আন্তৰ্জাতিক ষ্টেডিয়ামত অনুষ্ঠিত হ’ব মেচখন। ইতিমধ্যে পাকিস্তানক পৰাভূত কৰাৰ বাবে ৰণকৌশল প্ৰস্তুত কৰিছে টীম ইণ্ডিয়াই।

আজিৰ এই মেচখনত পৰাজয় মানেই এক প্ৰকাৰ বিদায় নিশ্চিত। কিয়নো নিউজিলেণ্ডৰ বিৰুদ্ধে শোচনীয়ভাৱে পৰাজিত হৈ গ্ৰুপ পৰ্যায়ৰ পৰা বিদায়ৰ মুখত পৰিছে টীম ইণ্ডিয়া।

সেয়ে বাকী কেইখন মেচত ভাৰতে জয়ৰ উপৰি ৰান ৰেট উন্নত কৰিব লাগিব। জয় মানেই প্ৰতিযোগিতাত বৰ্তি থাকিব টীম ইণ্ডিয়া অন্যথা টালি-টোপেলা বান্ধি ঘৰমুৱা হ’ব লাগিব। স্বাভাৱিকতে আজিৰ এইমেচখন বেচ ৰোমাঞ্চকৰ হৈ উঠিব !

Also Read: নীৰজৰ সংগ এৰিলে হাই প্ৰফাইল প্ৰশিক্ষক বাৰ্টনিৎজে...