ক'ভিদৰ পিছত প্ৰথমবাৰৰ বাবে বিদেশী পৰ্যটকৰ বাবে সম্পূৰ্ণৰূপে মুকলি কৰি দিয়া হ'ব চীন

ডিজিটেল ডেস্ক : ক'ভিডৰ বাবে জৰুৰীকালীন পৰিস্থিতিৰ বাবে তিনি বছৰ পাছত বিদেশী পৰ্যটকৰ বাবে সম্পূৰ্ণৰূপে মুকলি কৰি দিয়া হ'ব চীন । ইতিমধ্যে সকলো ধৰণৰ ভিছাৰ কাম আৰম্ভ কৰিবলৈ নিৰ্দেশ দিছে চীনৰ চৰকাৰে ।

বিগত মাহত ক'ভিডৰ বিৰুদ্ধে জয় লাভ কৰা বুলি কৰা ঘোষণাৰ পাছতেই ১৫ মাৰ্চ, সোমবাৰে এই সিদ্ধান্ত গ্ৰহণ কৰে ৰাষ্ট্ৰখনে । অৱশ্যে অনাগত দিনসমূহত পৰ্যটকৰ পৰা বৰ বেছি লাভ আশা কৰা নাই চৰকাৰখনে । ২০১৯ বৰ্ষত চীনৰ জিডিপিৰ মাত্ৰ ০.৯ শতাংশ অনুদান হে পৰ্যটন বিভাগৰ পৰা আহিছিল । কিছু সময় পাছত হয়তো এই পৰিসংখ্যা বৃদ্ধি পাব পাৰে ।

যাৰ বাবে এতিয়া চৰকাৰে ৰাষ্ট্ৰখনত দ্বিপাক্ষিক পৰ্যটনৰ বাবে বেইজিঙক পদক্ষেপ গ্ৰহণ কৰিবলৈ আহ্বান জনাইছে । এই দ্বিপাক্ষিক পৰ্যটন হ'ব বিদেশী পৰ্যটকৰ চীন ভ্ৰমণ আৰু চীনৰ নাগৰিকৰ অন্য দেশলৈ ভ্ৰমণ ।

উল্লেখ্য যে, চীনৰ বহু অংশত প্ৰৱেশ কৰিবৰ বাবে এতিয়াও প্ৰয়োজন নহয় ভিছাৰ । যেনে, হাইনান প্ৰদেশৰ দক্ষিণ অঞ্চল ।

কিন্তু ইয়াৰ সৈতেই উত্থাপন হোৱা গুৰুত্বপূৰ্ণ প্ৰশ্নটো হ'ল যে, সচাকৈ ক'ভিডকালীন পৰিস্থিতি শেষ হৈছে নে চীনত ? নে আকৌ গা কৰি উঠিব পাৰে ভৱিষ্যতলৈ । তেনে হ'লে পৰ্যটকসকলেই যে এই ভাইৰাছ অন্য প্ৰান্তলৈ বহন কৰাত মুখ্য ভূমিকা গ্ৰহণ কৰিব সেইয়া নিশ্চিত ।

Also Read: বতৰ বিজ্ঞান কেন্দ্ৰৰ এলাৰ্ট! ৰাজ্যত হ'ব প্ৰৱল বৃষ্টিপাত, ধুমুহা...