ভয়ংকৰ অগ্নিকাণ্ড দক্ষিণ কোৰিয়াত, নিহতৰ সংখ্যা বৃদ্ধি পালে ৭ জনলৈ

ডিজিটেল ডেস্ক : দক্ষিণ কোৰিয়াৰ এটি শ্বপিং মলত সংঘটিত হ'ল এক ভয়ংকৰ অগ্নিকাণ্ড । দক্ষিণ কোৰিয়াৰ দেইজিঅ'ন চহৰত সংঘটিত হোৱা এই অগ্নিকাণ্ডত এতিয়ালৈ মৃত্যু ঘটিছে ৭ জনকৈ লোকৰ । বৰ্তমানো দেইজিঅ'ন চহৰৰ অগ্নি নিৰ্বাপক বাহিনীয়ে চলাই আছে উদ্ধাৰ অভিযান । 

এই সন্দৰ্ভত দেইজিঅ'ন অগ্নি নিৰ্বাপক বাহিনীৰ বিষয়া গো চিউং চিঅ'লৰ ভাষ্য অনুসৰি, পুৱা প্ৰায় ৭.৪৫ বজাতে সংঘটিত হৈছিল অগ্নিকাণ্ড । শ্বপিং মলটোৰ ভূ-গৰ্ভৰ তলৰ অংশত জুই লগাৰ বাবে নিমিষতে বিয়পি পৰে জুই । যাৰ বাবে তৎক্ষণাত সকলো কৰ্মচাৰীক আতৰাই পঠিয়াব লগীয়া হয় । 

ইয়াৰ উপৰিও ওচৰ পাজৰৰো বহু লোকক সুৰক্ষিত স্থানত অৱস্থান কৰাব লগীয়া হয় । প্ৰায় ৫০০ৰো অধিক অগ্নি নিৰ্বাপক কৰ্মী আৰু ৯০ খন বাহনৰ সহায়ত জুই নুমুৱাবলৈ চেষ্টা কৰি আবেলি ৩ বজাত হে সক্ষম হয় অগ্নি নিৰ্বাপক বাহিনী ।