যুদ্ধ জিকিবলৈ যিকোনো পন্থা হাতত ল'বলৈ কুন্ঠাবোধ কৰা নাই পুটিনে

ডিজিটেল ডেস্ক : ইউক্ৰেইন-ৰাছিয়াৰ যুদ্ধই ক্ৰমাৎ কুৎসিত ৰূপ লৈ গৈ আছে । অৱশ্যে এইয়া সঠিক ৰূপত যুদ্ধও নহয়, এইয়া ৰাছিয়াৰ ইউক্ৰেইন আগ্ৰাসন হে । এই আগ্ৰাসনত জিকিবলৈ ক্ৰমে যেন অস্থিৰ হৈ পৰিছে পুটিন । সকলো ধৰণৰ পন্থা এতিয়া অৱলম্বন কৰিবলৈ কুন্ঠাবোধ নকৰে ৰাছিয়াই । ইউক্ৰেইনৰ সাধাৰণ জনতাক হত্যা কৰিবলৈও এতিয়া দ্বিধাবোধ নকৰে ৰাছিয়াই ।

ৰাছিয়াই বিগত কেইবা সপ্তাহ ধৰি অব্যাহত ৰাখিছে হাইপাৰচ'নিক মিছাইলেৰে আক্ৰমণ । এই হাইপাৰচ'নিক মিছাইল হৈছে শব্দতকৈ প্ৰায় ৫ ৰ পৰা ২৫ গুণে বেগী মিছাইল । এই শব্দভেদী মিছাইলেৰে বিগত সপ্তাহত ইউক্ৰেইনস্থিত ইউৰোপৰ সৰ্ববৃহৎ শক্তি উৎপাদন কেন্দ্ৰতো সম্পূৰ্ণ ৰূপে অচল কৰি তোলে ৰ‍াছিয়াই ।

এই সন্দৰ্ভত, ৰাছিয়াৰ প্ৰতিৰক্ষা মন্ত্ৰ্যালয়ৰ মুখপাত্ৰ আইগৰ ক'নাশ্বনেকভে দিয়া ভাষ্য অনুসৰি এই মিছাইলেৰে ইউক্ৰেইনৰ সেনা বিভাগৰ বহু কেইটা অন্যতম প্ৰতিষ্ঠানো ধ্বংস কৰা হৈছে । অৰ্থাৎ ৰাছিয়াই এই সন্দৰ্ভত এতিয়া যেন সকলো ধৰণৰ আক্ৰমণ স্বীকাৰো কৰিবলৈ লৈছে ।

এই নতুন অস্ত্ৰৰ ব্যৱহাৰে যেন এক যুদ্ধৰ এক নতুন দিশৰ সূচনা নকৰে । ইতিমধ্যে ইউৰোপৰ প্ৰায়খিনি দেশেই পৰোক্ষভাৱে হ'লেও যুদ্ধৰ সৈতে জড়িত হৈ পৰিছে । কোনো মূহুৰ্তত এই অংশগ্ৰহণ এছিয়ালৈ বিয়পিব । তাৰ পাছতেই আৰম্ভ হৈ পৰিব ধ্বংসযজ্ঞ । বিশ্বৰ কোনো দেশেই বৰ্তমান যুদ্ধৰ কথা ভাবিব নোৱাৰে । কিন্তু এই কথা ভাবিব নে পুটিনে ?

Also Read: কাজিৰঙাত অভিলেখ,পূৰ্বৰ সকলো অভিলেখ ভংগ কৰি কাজিৰঙা পৰ্যটনে সম্পূৰ্ণ কৰিলে পাচঁটা মাহ