পাক যুৱতীৰ দাবী, ট্ৰাম্প মোৰ পিতৃ...

ডিজিটেল ডেস্ক : আমেৰিকাৰ ৰাষ্ট্ৰপতি হিচাপে দ্বিতীয়বাৰৰ বাবে ড’নাল্ড ট্ৰাম্প নিৰ্বাচিত হোৱাৰ পাছত তেওঁক লৈ চৰ্চা চলিছে বিশ্বজুৰি। তাৰ মাজতে পাকিস্তানৰ এগৰাকী যুৱতীৰ দাবীয়ে সামাজিক মাধ্যমত ব্যাপক প্ৰতিক্ৰিয়াৰ সৃষ্টি কৰিছে।

ভাইৰেল হৈ পৰা যুৱতীগৰাকীৰ ভিডিঅ’টোত যুৱতীগৰাকীয়ে দাবী কৰিছে- ট্ৰাম্প তেঁওৰ পিতৃ। এই দাবী কৰা যুৱতীগৰাকীৰ নাম আমাৰা মাজাৰা আব্বাদ। যুৱতীগৰাকীৰ ঘৰ পাকিস্তানত। যুৱতীগৰাকীয়ে অৱশ্যে তেওঁৰ দাবী সমৰ্থনত কোনো সবল যুক্তি বা তথ্য দাঙি ধৰিব পৰা নাই।

নেটিজেনসকলে এয়া যুৱতীগৰাকীৰ ভাইৰেল হোৱাৰ এক কৌশল বুলি মন্তব্য কৰিছে। ট্ৰাম্পক কেন্দ্ৰ কৰি পাকিস্তানৰ যুৱতীগৰাকীয়ে কৰা এই দাবী হাস্যকৰ আখ্যাও দিছে কোনো কোনোৱে।

যুৱতীগৰাকীয়ে সদৰী কৰা মতে তেওঁৰ মাকৰ নাম লিজানা। ভিডিঅ’টোত কিছু অসংলগ্ন কথাৰে ট্ৰাম্প মোৰ পিতৃ বুলি স্পষ্টকৈ কৈছে তেওঁ।

Also Read: ড° গীতিমণি হাতীমূৰীয়াৰ গ্ৰন্থ উন্মোচন...