উত্তপ্ত পৰিস্থিতিঃ প্ৰতিবাদকাৰীয়ে ৫০০তকৈ অধিক অট্টালিকা, ২০০০ খন বাহনৰ উপৰি জ্বলাই দিলে চৰকাৰী সম্পত্তি

ডিজিটেল ডেস্কঃ বিগত কেইদিনমান ধৰি জ্বলি আছে প্ৰেমৰ চহৰ ফ্ৰান্স । দেশখনৰ হিংসাৰ জুই বহুকেইখন চহৰ লৈ ইতিমধ্যেই বিয়পি পৰিছে । পিছে দেশখনত হঠাৎ এনে উত্তপ্ত পৰিস্থিতিৰ কাৰণ হৈছে মঙলবাৰে পেৰিছৰ নাইলত সংঘটিত এক ঘটনা । এজন ১৭ বছৰীয়া আফ্ৰিকান-মৰক্কোৰ কিশোৰৰ ওপৰত আৰক্ষীয়ে যান-বাহন আইন নিয়ম ভংগ কৰাৰ বাবে গুলীচালনা কৰে । ফলত ঘটনাস্থলীতেই কিশোৰ জন মৃত্যু মুখত পৰে । এই ঘটনাৰ পিছতেই উত্তপ্ত পৰিস্থিতিয়ে বিৰাজ কৰি আছে দেশখনত ।

কিশোৰগৰাকীৰ মৃত্যুৰ পিছতেই দেশখনৰ হাজাৰ-হাজাৰ জনতাই বৰ্ণ বৈষম্যৰ অভিযোগ উত্থাপন কৰি চৰকাৰৰ বিৰুদ্ধে প্ৰতিবাদ সাব্যস্ত কৰি আহিছে । ফান্সৰ এই হিংসাত্মক ঘটনা দেওবাৰে ষষ্ঠ দিনত প্ৰৱেশ কৰিছে । প্ৰতিবাদী জনতাই আৰক্ষী, প্ৰশাসনৰ লোকক আক্ৰমণৰ লক্ষ্য কৰি লৈছে । দেশখনৰ চৰকাৰে এই প্ৰতিবাদ ৰোধ কৰিবলৈ বহু কেইটৈ পদক্ষেপ গ্ৰহণ কৰিছে যদিও বৰ্তমানে পৰিস্থিতি শাম কটা নাই ।

চৰকাৰী তথ্য অনুসৰি প্ৰতিবাদকাৰীয়ে ইতিমধ্যেই দেশৰ প্ৰায় ৫০০ত কৈও অধিক অট্টালিকাত জুই লগাই দিয়াৰ উপৰিও ২০০০ খন গাড়ী জ্বলাই দিছে । দেশখনৰ মুঠ ৪০০০ত কৈ অধিক স্থানত অগ্নি সংযোগ কৰিছে প্ৰতিবাদকাৰীয়ে । পুথিভঁৰাল চৰকাৰী বাসভৱন একো বাদ দিয়া নাই প্ৰতিবাদকাৰীয়ে সকলোতে অগ্নিসংযোগ কৰিছে প্ৰতিবাদী জনতাই ।

দেশখনৰ ৰাষ্ট্ৰপতি ইমানুৱেল মেক্ৰনে এই ঘটনাক গৰিহণা দিছে । প্ৰতিবাদকাৰী সৰহভাগেই যুৱ প্ৰজন্ম । সেয়ে বৰ্তমান দেশখনৰ পৰিস্থিতি অধিক উত্তপ্ত হৈ পৰাৰ পিছতেই ৰাষ্ট্ৰপতিগৰাকীয়ে শুকুৰবাৰে এক বৈঠকৰ অন্তত এই হিংসাত্মক পৰিস্থিতিৰ ববাে ভিডিঅ' গেম আৰু সামাজিক মাধ্যমক দোষাৰোপ কৰিছে । কিয়নো সামাজিক মাধ্যমৰ জৰিয়তে হিংসা অধিক বিয়পি পৰিছিল । ৰাষ্ট্ৰপতিগৰাকীয়ে অভিভাৱকসকললৈ তেওঁলোকৰ সন্তানক হিংসাৰ পৰা আঁতৰাই ৰাখিবলৈ এক বাৰ্তা প্ৰেৰণ কৰিছে।

Also Read: কলম্বিয়াৰ মাজ আকাশত দুৰ্ঘটনাত হৈ পতিত দুখনকৈ যুঁজাৰু বিমান, লগেই লগেই নিহত...